कोलकाता : कोलकाता येथील निवासी डॉक्टरच्या बलात्कार व हत्या प्रकरणावरून देशात संतापाची लाट पसरली आहे. महिलांवर बलात्कार करणाऱ्यांना कठोर शिक्षा करणारा कायदा करावा, अशी मागणी करणारे पत्र पश्चिम बंगालच्या मुख्यमंत्री ममता बॅनर्जी यांनी पंतप्रधान नरेंद्र मोदी यांना आठवडाभरात दुसऱ्यांदा पाठवले आहे. या संवेदनशील मुद्द्यावर आपल्याकडून कोणतेही उत्तर मिळाले नाही, असे बॅनर्जी यांनी सांगितले.
बलात्कार व हत्या या गंभीर गुन्ह्याबाबत केंद्र सरकारने कडक कायदा तयार करावा. हे खटले किती काळात निकाली काढावेत, याची तरतूदही या प्रस्तावित कायद्यात असायला हवी. ममता यांनी २२ ऑगस्टला पंतप्रधानांना यापूर्वी पत्र पाठवले होते.
