लखनऊ : लखनऊच्या संजय गांधी पीजीआई रुग्णालयात सोमवारी आग लागली. यात एका महिलेचा मृत्यू झाला असून १० जखमी झाले. यातील दोघांची प्रकृती गंभीर आहे. अग्निशमन दलाच्या ६ बंब गाड्यांनी ही आग विझवली.
व्हेंटिलेटर फुटल्याने आग लागली. आग लागल्यानंतर शहरात अफरातफरी माजली. या प्रकरणाच्या उच्चस्तरीय चौकशीचे आदेश उत्तर प्रदेशचे उपमुख्यमंत्री ब्रजेश पाठक यांनी दिले. राज्यातील सर्व सरकारी रुग्णालय व ऑपरेशन थिएटरची सुरक्षा चौकशी करण्याचे आदेश दिले आहेत. तसेच आरोग्य विभागाचे सचिव पार्थ सारथी सेन शर्मा यांना घटनास्थळी पाठवले आहे. या घटनेतील दोषींवर कठोर कारवाई केली जाईल.
