नवी दिल्ली : खासगी क्षेत्रातील कर्जदार एचडीएफसी बँकेने गुरुवारी सांगितले की, मार्च २०२४ ला संपलेल्या चौथ्या तिमाहीत त्यांच्या कर्जाचे वितरण २५ लाख कोटी रुपयांवर गेले आहे. ३१ मार्च २०२४ पर्यंत बँकेची एकूण कर्ज वितरण २५.०८ लाख कोटी रुपये झाले आहे. तर ३१ मार्च २०२३ पर्यंत हा आकडा १६.१४ लाख कोटी रुपये झाले होते. त्यामुळे कर्ज वितरणात तब्बल ५५.४ टक्के वाढ झाली आहे, असे एचडीएफसी बँकेने नियामक फाइलिंगमध्ये म्हटले आहे.
३१ मार्च २०२४ रोजी संपलेल्या कालावधीतील आकडेवारीमध्ये १ जुलै २०२३ रोजी एचडीएफसी बँकेसोबत विलीन झालेल्या पूर्वीच्या एचडीएफसी लि.च्या कामकाजाचा समावेश आहे. त्यामुळे मागील वर्षाच्या संबंधित कालावधीशी तुलना करता येत नाही, असे त्यात म्हटले आहे. तथापि, ३१ डिसेंबर २०२३ अखेरीस २४.६९ लाख कोटी रुपयांच्या तुलनेत तिमाही आधारावर कर्जाची वाढ किरकोळ १.६ टक्क्यांनी वाढली आहे.
बँकेच्या अंतर्गत व्यवसाय वर्गीकरणानुसार, ३१ मार्च २०२३ च्या तुलनेत देशांतर्गत किरकोळ कर्ज सुमारे १०९ टक्के आणि ३१ डिसेंबर २०२३ च्या तुलनेत सुमारे ३.७ टक्के वाढले. बँकेचे व्यावसायिक आणि ग्रामीण बँकिंग कर्ज ३१ मार्च २०२३ च्या तुलनेत २४.६ टक्के आणि ३१ डिसेंबर २०२३ च्या तुलनेत ४.२ टक्क्यांनी वाढले, असे त्यात म्हटले आहे.
