केआरके अटकेनंतर लगेचच हॉस्पिटलमध्ये भरती, छातीत दुखत असल्याचे समोर...

बॉलिवूडवर सतत टीका करणारा अभिनेता आणि समीक्षक कमाल आर खान उर्फ केआरके सतत चर्चेत असतो. वादग्रस्त ट्विट करणे ही आता केआरकेची सवय झाली आहे. मंगळवारी (३० ऑगस्ट) त्याला वादग्रस्त ट्विट केल्याप्रकरणी एका जुन्या प्रकरणात अटक करण्यात आली. दिवंगत अभिनेते ऋषी कपूर आणि इरफान खान यांच्याबद्दल केआरकेने काही वादग्रस्त ट्विट केले होते. त्यासाठी त्याला अटक करण्यात आली.

केआरकेच्या अटकेनंतर सोशल मीडियावर वेगवेगळ्या चर्चा रंगल्या. एवढेच नाही तर केआरकेबद्दलचे अनेक मीम्सही व्हायरल झाले आहेत. मात्र आता वेगळीच माहिती समोर आली आहे. केआरकेला १४ दिवसांची न्यायालयीन कोठडी सुनावण्यात आली. मात्र काही तासांतच त्यांना रुग्णालयात दाखल करण्यात आले.

एएनआयच्या वृत्तानुसार, मंगळवारी रात्री केआरकेच्या छातीत अचानक दुखू लागले. त्यानंतर त्याला तातडीने कांदिवली येथील शताब्दी रुग्णालयात दाखल करण्यात आले. केआरकेला पोलिसांनी सोमवारी (२९ ऑगस्ट) रात्री मुंबई विमानतळावरून ताब्यात घेतले. त्याला मंगळवारी (३० ऑगस्ट) दुपारी बोरिवली दंडाधिकारी न्यायालयात हजर करण्यात आले.

2020 मध्ये, कमाल खानने अभिनेता अक्षय कुमारच्या 'लक्ष्मी' चित्रपटाशी संबंधित एक अपमानजनक ट्विट पोस्ट केले होते. केआरकेच्या अटकेनंतर सोशल मीडियावर चांगलीच चर्चा रंगली आहे. इरफानच्या मृत्यूनंतर केआरकेने त्याच्याबद्दल वादग्रस्त ट्विट केले होते.