भारतातील क्रिप्टो गुंतवणूकीवर परिणाम,नंदिन व्यवहारांमध्ये ६० ते ८७ टक्क्यांपर्यंत घट

क्रिप्टो ट्रेडिंगमध्ये घट होण्याचे सर्वात मोठे कारण म्हणजे १ जुलैपासून देशात लागू झालेले नवीन कर नियम आहे
भारतातील क्रिप्टो गुंतवणूकीवर परिणाम,नंदिन व्यवहारांमध्ये ६० ते ८७ टक्क्यांपर्यंत घट

जागतिक बाजारपेठेत क्रिप्टोकरन्सीच्या किमतीत सातत्याने होत असलेली घसरण आता भारतातील क्रिप्टो गुंतवणूकदारांवरही परिणाम करत आहे. गेल्या काही दिवसांत देशात क्रिप्टोकरन्सीमध्ये गुंतवणूक करणाऱ्या लोकांच्या संख्येत मोठी घट झाली आहे. ZebPay, WazirX आणि CoinDCX या क्रिप्टोकरन्सीमध्ये व्यवहार करणाऱ्या देशातील तीन प्रमुख एक्सचेंजेसने क्रिप्टोकरन्सीमधील व्यवहार कमी झाल्याची पुष्टी केली आहे. क्रिप्टो ट्रेडिंगमध्ये घट होण्याचे सर्वात मोठे कारण म्हणजे १ जुलैपासून देशात लागू झालेले नवीन कर नियम आहे, असे या एक्सचेंजेसकडून सांगण्यात आले आहे.

तीन एक्सचेंजेसने दिलेल्या माहितीनुसार, जुलै महिन्यात क्रिप्टोच्या दैनंदिन व्यवहारांमध्ये ६० ते ८७ टक्क्यांपर्यंत घट झाली आहे. देशांतर्गत क्रिप्टो गुंतवणूकदारांची आवड कमी होऊ लागली आहे. इतर एक्सचेंज CoinGecko आणि Giottus ने देखील व्यवहार उलाढालीमध्ये लक्षणीय घट नोंदवली.

जागतिक बाजारातील NFT किमती सतत घसरल्‍यामुळे विविध डिजिटल करन्सीच्‍या ट्रेडिंग व्हॉल्यूमवर आधीच दबाव होता. आता क्रिप्टोच्या व्यवहारांवर टीडीएस लावण्याच्या कायद्यानंतर, गुंतवणूकदारांनी आपला नफा कमी होईल असे गृहीत धरले आहे.

गेल्या वर्षी नोव्हेंबरमध्ये बिटकॉइन आणि इतर क्रिप्टोकरन्सीच्या किमतींमध्ये विक्रमी वाढ झाली होती.

Related Stories

No stories found.
marathi.freepressjournal.in