नवी दिल्ली : भारतीय लष्कराचे ड्रोन तांत्रिक बिघाडामुळे पाकिस्तानी हद्दीत जाऊन पडला आहे, असे अधिकृत सूत्रांनी सांगितले. पाकिस्तानी लष्कराने हे ड्रोन ताब्यात घेतले आहे. भारतीय लष्कराने तातडीने हॉटलाईनवरून पाकिस्तानी अधिकाऱ्यांशी संपर्क साधून हे ड्रोन परत मागवले. मात्र, पाकिस्तानी अधिकाऱ्यांनी काय उत्तर दिले, याची माहिती कळू शकली नाही. शुक्रवारी सकाळी ९.२५ वाजता प्रशिक्षणासाठी भारतीय लष्कराने ड्रोन उडवले होते. मात्र, तांत्रिक बिघाडामुळे हे ड्रोन पाकिस्तानच्या हद्दीतील निकीईल भागात पडले.
