![डॉलरच्या तुलनेत रुपयाने गाठली सार्वकालिक नीचांकी पातळी; ३५ पैशांनी गडगडून ८३.४८ वर](http://media.assettype.com/freepressjournal-marathi%2F2024-03%2Fdc1a5d1c-55b4-49a2-83a7-94750d94ad29%2Frupee_dollar.avif?w=480&auto=format%2Ccompress&fit=max)
मुंबई : अमेरिकन चलनाच्या तुलनेत शुक्रवारी रुपया ३५ पैशांनी घसरून ८३.४८ या सर्वकालीन नीचांकी पातळीवर बंद झाला. विदेशी बाजार आणि कमकुवत आशियाई बाजाराचा भारतीय चलनाला फटका बसला. परकीय चलन व्यापाऱ्यांनी सांगितले की, परदेशी निधी काढून घेण्यात आल्याचाही परिणाम भारतीय चलनावर झाला.
इंटरबँक परकीय चलन बाजारात, डॉलरच्या तुलनेत स्थानिक युनिट ८३.२८ इतके कमकुवत उघडले आणि शेवटी ८३.४८ या नव्या नीचांकी पातळीवर बंद झाले. ८३.१३ या मागील बंदच्या तुलनेत रुपयाने ३५ पैशांची घसरण नोंदवली.
दिवसभरातील व्यवहारात अमेरिकन चलनाच्या तुलनेत रुपया ८३.५२ या नव्या नीचांकी पातळीवर पोहचून काही प्रमाणात सावरला. यापूर्वी १३ डिसेंबर २०२३ रोजी रुपयाने ८३.४० ही सार्वकालिक नीचांकी पातळी नोंदवली होती.