भारतीय रिझर्व्ह बँकेच्या ताज्या आकडेवारीनुसार, ८ जुलै रोजी संपलेल्या आठवड्यात भारताचा परकीय चलन साठा ८.०६२ अब्ज डॉलर्सनी घसरून ५८०.२५२ अब्ज डॉलर्स या 15 महिन्यांच्या नीचांकी पातळीवर आला आहे. परकीय चलन मालमत्तेत (एफसीए) घट झाल्यामुळे परकीय चलन साठ्यात घट झाल्याचे आरबीआयने जाहीर केलेल्या साप्ताहिक आकडेवारीवरून दिसून येते. एफसीएमध्ये सोन्याच्या साठ्याचा आणि संपूर्ण परकीय चलनाच्या साठ्याचा मोठा भाग असतो.
भारताचा सोन्याचा साठा १.२३६ अब्ज डॉलर्सवरून ३९.१८६ अब्ज डॉलर्सवर घसरला. गेल्या आठवड्यात, एफसीए ६.६५६ अब्ज डॉलरने घसरून ५१८.०९ अब्ज डॉलर्स झाले आहे. एफसीएमध्ये यूरो, पौंड आणि येन यांसारख्या गैर-अमेरिकन चलनांची वाढ किंवा घसरण या दोन्ही गोष्टींचा समावेश होतो. त्याच वेळी, या कालावधीत सोन्याचा साठा १.२३६ अब्ज डॉलर्सनी घसरून ३९.१८६ अब्ज डॉलर्स झाला आहे. गेल्या आठवड्यात, आंतरराष्ट्रीय नाणेनिधी (आयएमएफ) सह स्पेशल ड्रॉइंग राइट्स (एसडीआर) १२२ दशलक्ष डॉलर्सने कमी होऊन १८.०१२ अब्ज डॉलर्स झाले. आरबीआयच्या आकडेवारीनुसार, ८ जुलै रोजी संपलेल्या आठवड्यात देशाच्या आयएमएफची राखीव स्थिती ४९ दशलक्ष डॉलर्सने घसरून ४.९६६ अब्ज डॉलर्स झाली आहे. १ जुलै रोजी संपलेल्या आठवड्यात हा साठा ५.००८ अब्ज डॉलर्सने घसरून ५८८.३१४ अब्ज डॉलर्स झाला होता. परकीय चलनाच्या गंगाजळीतील ही घसरण अशा वेळी नोंदवली गेली आहे जेव्हा भारतीय रुपया त्याच्या सर्वकालीन नीचांकी पातळीवर पोहचला आहे. डॉलरच्या तुलनेत भारतीय रुपया सध्या ८० रुपयांच्या आसपास घसरला आहे.
