भारताचा स्टार बॅडमिंटनपटू लक्ष्य सेनने 2022 च्या कॉमनवेल्थ गेम्समध्ये आपले कौशल्य दाखवत मोठा विजय आपल्या नावावर केला. पुरुष एकेरीच्या अंतिम फेरीत त्याने मलेशियाच्या एनजी त्झे योंगचा पराभव केला. या विजयासह त्याने सुवर्णपदकही पटकावले. एनजी त्झे योंगने किदाम्बी श्रीकांतचा पराभव करत अंतिम फेरीत प्रवेश केला होता. लक्ष्य सेनने या विजयाने एकप्रकारे भारतीय खेळाडूच्या पराभवाचा बदला घेतला, असे म्हणायला हरकत नाही.
लक्ष्य सेन प्रथमच राष्ट्रकुल स्पर्धेत खेळत होता. पहिल्या कॉमनवेल्थमध्ये त्याने दमदार कामगिरी केली. सेनने पहिला गेम गमावला, त्यानंतर लक्ष्य सेनने जबरदस्त पुनरागमनाच्या अंतिम फेरीत खराब सुरुवात केली. त्याने पहिला गेम १९-२१ अशा कमी फरकाने गमावला. दुसऱ्या गेममध्येही तो ६-८ ने पिछाडीवर होता. मात्र त्यानंतर त्याने आपल्या खेळाचा स्तर कमालीचा उंचावला. त्याने दुसरा गेम २१-९ असा जिंकला. तिसऱ्या गेममध्ये सेनने मलेशियाच्या खेळाडूवर पुन्हा दडपण वाढवले. शेवटी लक्ष्य सेनचा विजय झाला. सेनने तिसरा गेम 21-16 असा जिंकला. अवघ्या 20 वर्षांचा लक्ष्य सेन भारताचे भविष्य आहे.
