.png?w=480&auto=format%2Ccompress&fit=max)
नवी दिल्ली : दिल्ली पोलिसांच्या विशेष कक्षाने ‘आयसिस’च्या पुणे मॉड्यूलशी संबंधित एका दहशतवाद्याला अटक केल्याचे शुक्रवारी अधिकाऱ्यांनी सांगितले.
या दहशतवाद्याचे नाव रिझवान अब्दुल हाजी अली असे असून, तो दिल्लीच्या दर्यागंजचा रहिवासी आहे. विशेष कक्षाला मिळालेल्या गोपनीय माहितीवरून अधिकाऱ्यांनी रिझवान याला दिल्ली-फरिदाबाद सीमेवरून अटक केली. त्याला पकडण्यासाठी तीन लाख रुपयांचे इनाम जाहीर करण्यात आले होते.
रिझवान याच्याकडून शस्त्र हस्तगत करण्यात आले आहे. रिझवानकडून दिल्ली-एनसीआरस्थित काही व्हीआयपींवर हल्ला करण्यात येण्याची शक्यता होती, त्या संदर्भात त्याची चौकशी केली जात आहे, असेही अधिकाऱ्यांनी सांगितले.
