श्रीनगर : जम्मू-काश्मीर विधानसभेत पूर्ण राज्याचा दर्जा तातडीने देण्याची मागणी करणारा ठराव विरोधी पक्ष भाजपच्या प्रचंड गदारोळात आणि सभात्यागात मंजूर झाला आहे.
मुख्यमंत्री उमर अब्दुल्ला यांनी गेल्या शुक्रवारी हा ठराव मांडला होता. मात्र, अनेक सदस्यांना यावर बोलण्याची इच्छा असल्याने तो पुढे ढकलण्यात आला होता. शुक्रवारी आणि सोमवारी दोन्ही दिवशी भाजपने या ठरावाला तीव्र विरोध केला.
भाजपच्या आमदारांनी अध्यक्षांच्या मोकळ्या जागेत (वेल) धाव घेऊन कामकाज पत्रिका फाडल्या तसेच सभागृहातच 'मॉक' (संसदीय प्रतिकृती) कामकाज चालवून विरोध दर्शवला.
