बिहारमध्ये ‘रालोआ’चे जागावाटप जाहीर; भाजप १७, जेडीयू १६ जागा लढवणार

लोकसभेच्या आगामी निवडणुकीसाठी बिहारमधील रालोआचे जागावाटप निश्चित झाले आहे.
बिहारमध्ये ‘रालोआ’चे जागावाटप जाहीर; भाजप १७, जेडीयू १६ जागा लढवणार
भाजपचे बिहार प्रभारी विनोद तावडे

नवी दिल्ली : लोकसभेच्या आगामी निवडणुकीसाठी बिहारमधील रालोआचे जागावाटप निश्चित झाले आहे. त्यानुसार भाजप १७, संयुक्त जनता दल (जेडीयू) १६ आणि लोकजनशक्ती पक्ष ५ जागा लढणार आहे.

रालोआचे अन्य दोन घटक पक्ष हिंदुस्थानी आवाम मोर्चा आणि उपेंद्र कुशवाह यांच्या नेतृत्वाखालील राष्ट्रीय लोकमोर्चा प्रत्येकी एक जागा लढणार आहे, असे भाजपचे बिहार प्रभारी विनोद तावडे यांनी सोमवारी नवी दिल्लीतील भाजपच्या मुख्यालयात पत्रकार परिषदेत सांगितले.

बिहारमधील एकूण ४० पैकी १७ जागा भाजप, तर संयुक्त जनता दल १६ जागा लढणार आहे. त्याचप्रमाणे लोकजनशक्ती पार्टी पाच जागा लढणार असून चिराग पासवान हे हाजीपूर मतदारसंघातून निवडणूक लढणार आहेत.

Related Stories

No stories found.
logo
marathi.freepressjournal.in