देशाला हादरवून टाकणारी घटना येथे उघडकीस झाली आहे. एका माहिती-तंत्रज्ञान कंपनीच्या माजी कर्मचाऱ्याने कंपनीच्या व्यवस्थापकीय संचालक व सीईओची तलवारीने हत्या केली आहे. ही घटना घडली तेव्हा दोघेही कार्यालयात होते. दोघांना रुग्णालयात नेताना त्यांचा रस्त्यात मृत्यू झाला. या प्रकरणातील आरोपी फरार झाला असून, पोलीस त्याचा शोध घेत आहेत.
आरोपी व्यवसाय करत होता व कंपनीचे मृत पावलेले अधिकारी त्याच्या व्यवसायात हस्तक्षेप करत होते. आरोपी फेलिक्स हा एअरोनिक्स कंपनीत काम करत होता. कंपनीचे एमडी फणिंद्र हे आरोपीच्या कामावर प्रश्नचिन्ह उपस्थित करत होते. मंगळवारी सायंकाळी फेलिक्स हातात तलवार व चाकू घेऊन कार्यालयात घुसला. त्याने फणिंद्र सुब्रमण्या व वीनू कुमार यांची हत्या केली. त्यांना तातडीने रुग्णालयात नेण्यात आले. तत्पूर्वीच त्यांचा मृत्यू झाला.
