सुप्रीम कोर्टाने Alt न्यूजचे सह-संस्थापक मोहम्मद जुबेर यांच्याविरुद्ध सीतापूर, यूपी येथे दाखल केलेल्या गुन्ह्यात अंतरिम जामीन मंजूर केला आहे. अलाहाबाद उच्च न्यायालयाच्या आदेशाला आव्हान देणाऱ्या जुबेरच्या याचिकेवर उत्तर प्रदेश पोलिसांनाही नोटीस बजावण्यात आली आहे. एएनआय या वृत्तसंस्थेच्या वृत्तानुसार, सुप्रीम कोर्टाने झुबेरला या अटीवर 5 दिवसांसाठी अंतरिम जामीन मंजूर केला आहे.
काय आहे अट ?
मोहम्मद जुबेर या प्रकरणाशी संबंधित मुद्द्यावर कोणतेही नवीन ट्विट करणार नाही आणि सीतापूर दंडाधिकारी न्यायालयाचे अधिकार क्षेत्र सोडणार नाही.
दिल्ली पोलिसांनी २०१८ मधील एका तक्रारीच्या आधारावर जुबेरवर आणखी एक गुन्हा दाखल केला आहे. त्यामुळे त्याला या पाच दिवसात दिल्लीबाहेर जाता येणार नाही.
