नवी दिल्ली : भाजपचे राष्ट्रीय कार्यकारी अध्यक्ष नितीन नवीन यांनी पक्षाच्या राष्ट्रीय अध्यक्षपदासाठी आपला अर्ज दाखल केला आहे. गृहमंत्री अमित शहा आणि संरक्षण मंत्री राजनाथ सिंह हे त्यांचे प्रस्तावक आहेत. नितीन नवीन यांचा अध्यक्षपदासाठी एकमेव अर्ज आल्याने ते बिनविरोध भाजपचे राष्ट्रीय अध्यक्ष झाले आहेत. नबिन यांच्या नावाची मंगळवारी औपचारिक घोषणा होणे बाकी आहे.
भाजपच्या नवीन राष्ट्रीय अध्यक्षाचे नाव २० जानेवारी रोजी जाहीर होण्याची शक्यता आहे. या कार्यक्रमासाठी छत्तीसगडमधील सर्व वरिष्ठ भाजप नेते आणि मोठ्या संख्येने कार्यकर्ते दिल्लीत उपस्थित राहणार आहेत. नितीन नवीन यांची कार्यवाहक अध्यक्ष म्हणून नियुक्ती केल्याने, तेच भाजपचे नेतृत्व करतील हे आधीच निश्चित झाले होते. १२ वे राष्ट्रीय अध्यक्ष म्हणून त्यांची बिनविरोध निवड होण्याची सर्व तयारी पूर्ण झाली आहे. त्यांना पंतप्रधान नरेंद्र मोदी आणि गृहमंत्री अमित शहा यांच्यासह भाजपच्या सर्वोच्च नेतृत्वाचा पूर्ण पाठिंबा आहे.
राजकीय कारकीर्द
नितीन नवीन यांचा जन्म १९८० मध्ये पाटणा येथे झाला. २००५ मध्ये त्यांच्या वडिलांचे निधन झाले. त्यांच्या मतदारसंघासाठी पोटनिवडणूक झाली आणि नवीन आमदार झाले. त्यांनी पाटणा पश्चिम मतदारसंघातून निवडणूक लढवली. २०१६ मध्ये त्यांना भाजप युवा मोर्चाचे प्रदेशाध्यक्ष म्हणून नियुक्त करण्यात आले. ते संघटनेत सक्रियपणे सहभागी राहिले. ते पाच वेळा आमदार झाले आणि त्यांनी तीन वेळा मंत्रिपद भूषवले. २०२५ च्या विधानसभा निवडणुकीत भाजपच्या प्रभावी कामगिरीनंतर, त्यांना भाजपचे कार्यवाहक अध्यक्ष म्हणून नियुक्त करण्यात आले.
