फिरोझाबाद : लखनऊ-आग्रा द्रूतगती मार्गावर शनिवारी पहाटे एक खासगी बस व अज्ञात वाहन यांच्या टकरीत खासगी बसचा चालक ठार झाला, तर सात प्रवासी जखमी झाले. पोलीस अधीक्षक (ग्रामीण) रणविजय सिंह यांनी सांगितले की, बनारसहून जयपूरला जात असलेल्या एका खासगी बसची नागला खंगार पोलीस ठाणे परिसरात टक्कर झाली. बसचालक धरमपाल (२८) हा राजस्थानमधील बिकानेरचा रहिवासी असून, या घटनेत त्याचा मृत्यू झाला, असे त्यांनी सांगितले. सिंह यांनी सांगितले की, जखमी प्रवाशांना उपचारासाठी जिल्हा रुग्णालयात पाठवण्यात आले असून चालकाचा मृतदेह शवविच्छेदनासाठी पाठवण्यात आला आहे.
