बिहारमध्ये निर्भया प्रकरणाची पुनरावृत्ती

बसमध्येच नशा करून बसचालक, कंडक्टरने व इतरांनी गैरकृत्य केल्याचे पीडितेने पोलिसांना सांगितले
बिहारमध्ये निर्भया प्रकरणाची पुनरावृत्ती

बिहारच्या बेतियामध्ये एका १६ वर्षीय मुलीवर बसमध्ये सामूहिक बलात्कार करण्यात आला. ड्रायव्हर-कंडक्टरसह तिघांनी मिळून तिच्यावर बलात्कार केला. बेतिया बसस्थानकापासून १०० मीटर अंतरावर ही घटना घडली असून, पीडित मुलीची प्रकृती सध्या गंभीर आहे. तिच्यावर पोलीस सुरक्षेत उपचार सुरू आहेत.

पीडित मुलगी मंगळवारी दुपारी मोतिहारीहून बेतिया (चनपटीया) येथे परतत होती. यादरम्यान बस कंडक्टरने तिला गुंगीचे औषध दिले. संध्याकाळी उशिरा बेतिया बस स्टँडवर आल्यानंतर सर्व प्रवासी बसमधून खाली उतरले. चालक गाडी घेऊन स्टँडपासून सुमारे १०० मीटर अंतरावर गेला आणि एका निर्जन ठिकाणी बस थांबवली. यानंतर चालक, कंडक्टरसह तीन जणांनी तिच्यावर बलात्कार केला. ती बेशुद्ध पडल्यावर तिघे बस सोडून पळून गेले. यानंतर पोलिसांची पेट्रोलिंग गाडी रस्त्यावरून जात होती. संशयावरून पोलिसांनी बसची झडती घेतली असता मुलगी गंभीर अवस्थेत आढळून आली. त्यानंतर पोलिसांनी पीडितेला रुग्णालयात नेले. शुद्धीवर आल्यानंतर पीडितेने आपल्यावरील आपबिती सांगितली. बसमध्येच नशा करून बसचालक, कंडक्टरने व इतरांनी गैरकृत्य केल्याचे पीडितेने पोलिसांना सांगितले आहे.

याप्रकरणी बेतिया सदरचे एसडीपीओ मुकुल परिमल पांडे यांनी या घटनेला दुजोरा दिला. मुलीवर उपचार सुरू असून, याप्रकरणी पुढील कारवाई करण्यात येत आहे; मात्र पोलिसांनी रात्री छापा टाकून आरोपी चालक व हेल्परला ताब्यात घेतले आहे.

Related Stories

No stories found.
marathi.freepressjournal.in