इम्फाळ : विष्णुपूर जिल्ह्यातमणिपूरचे माजी मुख्यमंत्री माइरेंबम कोइरेंग यांच्या निवासस्थानाजवळ संशयित दहशतवाद्यांनी रॉकेटच्या सहाय्याने केलेल्या बॉम्बहल्ल्यात शुक्रवारी एक वृद्ध व्यक्ती ठार झाली, तर अन्य पाच जण जखमी झाले आहेत.
माजी मुख्यमंत्र्यांच्या निवासस्थानाच्या कुंपणावर रॉकेट धडकले आणि तेथे धार्मिक विधीची तयारी करीत असलेला एक वृद्ध जागीच ठार झाला. बॉम्बस्फोटात १३ वर्षाच्या मुलीसह पाच जण जखमी झाले.
