दिल्लीच्या वसंत कुंज नॉर्थ भागात एक धक्कादायक घटना समोर आली आहे. येथे एका कॅब चालकास तब्बल २०० मीटर अंतरापर्यंत फरफटत नेत्याचा धक्कादाय प्रकार घटना आहे. ज्यात त्या व्यक्तीचा मृत्यू झाला आहे. काल रात्री पोलिसांना या घटनेबद्दल माहिती देण्यात आली. यानंतर पोलिसांनी घटनास्थळी पोहचल्यानंतर त्यांना कॅब ड्रायव्हर रस्त्यावर गंभीर अवस्थेत आढळून आला.
पोलिस तपासात समोर आलेल्या माहितीनुसार, या घटनेतील आरोपी हे कॅब चालकास लुटत होते. यावेळी टॅक्सीच्या मालकाने विरोध केल्यानंतर त्याच्यावर हल्ला चढवला. यानंतर त्याला कारसोबत २०० मीटर पर्यंत फरफटत नेण्यात आलं. दिल्ली पोलिसांनी याप्रकरणी कलम ३०२ अंतर्गत गुन्हा दाखल केला असून या प्रकरणाचा तपास सुरु आहे. मात्र, अद्याप आरोपी फरार आहेत.
असाच प्रकार काही दिवसांपूर्वी देखील समोर आला होता. अंजली नावाच्या महिलेला फरफटत नेण्यात आलं होतं. ज्यात अंजली यांचा मृत्यू झाला होता. या घटनेला १० महिने झाले आहेत. इतक्यातचं दिल्लीतील या दुसऱ्या घटनेचा व्हिडिओ समोर आल्याने सर्वांना धास्ती बसली आहे.
