Uttarkashi Tunnel Rescue: कोणत्याही क्षणी होऊ शकते कामगारांची सुटका; उत्तराखंडमधील रेस्क्यू ऑपरेश अखेरच्या टप्प्यात

या कामगारांसाठी रुग्णवाहिका सज्ज ठेवण्यात आल्या असून रुग्णालयात देखील ४१ बेडची व्यवस्था करण्यात आली आहे.
Uttarkashi Tunnel Rescue: कोणत्याही क्षणी होऊ शकते कामगारांची सुटका; उत्तराखंडमधील रेस्क्यू ऑपरेश अखेरच्या टप्प्यात

उत्तराखंडच्या उत्तरकाशी बोगद्यात अडकेल्या मजुरांची अखेर सुटका होत आहे. याठिकाणी सुरु असलेल्या रेस्क्यू ऑपरेशनचं काम अंतिम टप्प्यात आलं आहे. १२ नोव्हेंबर पासून तब्बल ४१ मजूर याठिकाणी अडकले आहेत. त्यादिवसापासून या मजुरांच्या सुटकेसाठी दिवसरात्र प्रयत्न सुरु आहेत. उत्तरकाशी येथील सिल्क्यारा बोगद्यात हे कामगार अडकले आहेत. या कामगारांना बाहेर काढल्यानंतर त्यांना तात्काळ रुग्णालयात दाखल करण्यात येणार आहे. यासाठी रुग्णवाहिका देखील सज्ज ठेवण्यात आल्या आहेत. तसंच या रुग्णांसाठी ४१ बेड देखील सज्ज ठेवण्यात आले आहेत.

या मजुरांची सुटका करण्यासाठी या बोगद्यात ८०० मिमी व्यासाची पाईप सोडण्यात आली. या पाईपमधून NDRFची टीम मजुरांपर्यंत पोहचली. याच पाईपद्वारे मजुरांच्या सुटकेचे प्रयत्न केले जात आहेत.

मागील १६ दिवसांपासून याठिकाणी रेक्स्कू ऑपरेशन सुरु आहे. दिवाळीच्या आदल्या दिवशी माती कोसळून ४१ मजूर बोगद्यात अडकले. तेव्हापासून आजपर्यंत गेली १७ दिवस याठिकाणी बचावरकार्य सुरु आहे.

उत्तराखंडच्या उत्तरकाशी जिल्हा मुख्यालयापासून ३० किमी अंतरावर बोगद्याचं काम सुरु आहे. केंद्र सरकारची महत्वाची चार धाम ऑल वेदर सडक सिल्कियारा ही योजना सुरु आहे. या प्रकल्पामुळे कोणत्याही ऋतुमध्ये, कोणत्याही वातावरणात रस्ते वाहतूक करता येणार आहे. ब्रम्हखाल-यमुनोत्री राष्ट्रीय राज्यमार्गावरील या बोगद्याचं काम सुरु आहे. हा बोगदा 4. 5 किमी लांबीचा हा बोगदा आहे.

Related Stories

No stories found.
logo
marathi.freepressjournal.in