कोलकाता : पश्चिम बंगालमध्ये बाबरी मशीद बांधण्याची घोषणा करणारे तृणमूल काँग्रेस पक्षाचे मुर्शिदाबाद येथील आमदार हुमायूं कबीर यांना पक्षातून तातडीने निलंबित करण्यात आले आहे. कबीर यांच्या या वक्तव्यानंतर पक्षाने त्यांच्यावर ही मोठी कारवाई केली आहे, ज्यामुळे पश्चिम बंगालच्या राजकारणात मोठी खळबळ उडाली आहे.
आमदार हुमायूं कबीर यांनी ६ डिसेंबर रोजी मशिदीची पायाभरणी करण्याची घोषणा केली होती. त्यांचे हे वक्तव्य पक्षविरोधी आणि वादाला जन्म देणारे ठरले. या घोषणेमुळे मुख्यमंत्री आणि टीएमसी प्रमुख ममता बॅनर्जी यांची तीव्र नाराजी व्यक्त केली.
माजी महापौर आणि तृणमूल काँग्रेसचे ज्येष्ठ नेते फिरहाद हकीम यांनी आमदाराच्या निलंबनाची बातमी अधिकृतपणे जाहीर केली. मुर्शिदाबादच्या आमदाराने बाबरी मशीद बांधण्याची घोषणा केली. बाबरी मशीद कशासाठी, यापूर्वीही त्यांना ताकीद देण्यात आली होती, असे हकीम यांनी स्पष्ट केले.
