उरण शहरासाठी गॅस शवदाहिनी सुरू होणार

उरण नगरपरिषदेच्या या सुविधेमुळे नागरिकांनाही फायदा होणार आहे. उरणमध्ये बोरी येथे स्मशानभूमी असून, लाकडाचा वापर करून दहन केले जात
उरण शहरासाठी गॅस शवदाहिनी सुरू होणार

उरण : नगरपरिषदेच्या माध्यमातून येथील नागरिकांच्या सोयीसाठी व पर्यावरण रक्षणाचे महत्त्व लक्षात घेऊन शहरातील बोरी स्मशानभूमीत गॅसवर आधारित शवदहिनीचे काम पूर्ण झाले असून, येत्या महिन्याभरात शवदाहिनी सुरू होणार असल्याची माहिती उरण नगर परिषदेने दिली आहे. यासाठी लागणार गॅसपुरवठा करणाऱ्या गॅस वाहिनीचे काम आठवडाभरात पूर्ण होणार असल्याची माहिती उरण नगर परिषदेचे मुख्याधिकारी समीर जाधव यांनी दिली आहे.

उरण नगरपरिषदेच्या या सुविधेमुळे नागरिकांनाही फायदा होणार आहे. उरणमध्ये बोरी येथे स्मशानभूमी असून, लाकडाचा वापर करून दहन केले जात असल्याने प्रदूषणाचा प्रश्न निर्माण झाला आहे. त्यामुळे पर्यावरणाला धोका न पोहचवता दहन करण्यासाठी सुवर्ण महोत्सव नगर उत्थान कार्यक्रमांतर्गत ९५ लाखांच्या निधीमधून हा प्रकल्प राबविला जात आहे. उरण शहरातील बोरी येथील स्मशानभूमी अनेक समस्यांनी ग्रासली आहे. येथील सरणाची दुरवस्था झाली आहे. उरण नगर परिषदेच्या सर्वात मोठ्या या स्मशानभूमीत नव्याने गॅस शवदाहिनी उभारण्यात आली आहे. यामुळे दहनासाठी लागणाऱ्या लाकडांमुळे होणाऱ्या धुरामुळे पर्यावरणाचा ऱ्हास होत आहे.

Related Stories

No stories found.
logo
marathi.freepressjournal.in