अष्टपैलू खेळाडू दीपक चहरला फीट होण्यासाठी पाच आठवडे लागणार

चहर सध्या बंगळूरमधील राष्ट्रीय क्रिकेट अकादमीत दुखापतीवर उपचार घेत आहे
अष्टपैलू खेळाडू दीपक चहरला फीट होण्यासाठी पाच आठवडे लागणार

भारताचा टी-२० स्पेशालिस्ट अष्टपैलू खेळाडू दीपक चहरला हॅमस्ट्रिंगच्या दुखापतीतून पूर्णपणे सावरण्यासाठी आणखी चार ते पाच आठवडे लागणार आहेत. दुखापतीमुळे संपूर्ण इंडियन प्रीमियर लीग (आयपीएल) हंगामातून बाहेर पडला होता. चहर सध्या बंगळूरमधील राष्ट्रीय क्रिकेट अकादमीत दुखापतीवर उपचार घेत आहे.

दीपक चहरचे वेस्ट इंडीजविरुद्धच्या आगामी मालिकेने टीम इंडियाच्या संघात पुनरागमन होते. वेस्ट इंडीजविरुद्धच्या मायदेशातील मालिकेदरम्यान चहरला दुखापत झाली होती. चहर म्हणाला की, दुखापतीवरील उपचार व्यवस्थित सुरू आहेत. सध्या त्याला सलग चार ते पाच षटके गोलंदाजी करता येत आहे. सामन्याला लागणारा फिटनेस मिळविण्यासाठी मला आणखी चार ते पाच आठवडे लागू शकतील. चहरने वेस्ट इंडीजविरुद्धच्या आगामी मालिकेपर्यत तंदुरुस्त होण्याचे संकेत दिले. बरा झाल्यानंतरही मला क्लब स्तरावरील क्रिकेट खेळावे लागणार आहे, असे त्याने सांगितले. २९ वर्षीय चहर, टी. नटराजन आणि वॉशिंग्टन सुंदर दुखापतीतून बरे होत आहेत. या खेळाडूंवर राष्ट्रीय क्रिकेट अकादमी (एनसीए) येथे उपचार सुरू आहेत.

Related Stories

No stories found.
marathi.freepressjournal.in