![आर्टिस्टिक जिम्नॅस्टिक्स राज्य अजिंक्यपद स्पर्धा:मुंबई शहरच्या मुली अजिंक्य](http://media.assettype.com/freepressjournal-marathi%2F2023-12%2F268a1636-d8b1-4efd-bdb4-34f478e37579%2FWhatsApp_Image_2023_12_29_at_10_00_52_AM.jpeg?w=480&auto=format%2Ccompress&fit=max)
मुंबई : डेरवण, रत्नागिरी येथे आयोजित ५७व्या आर्टिस्टिक जिम्नॅस्टिक्स राज्य अजिंक्यपद स्पर्धेत मुंबई शहर संघाने मुलींच्या दोन्ही गटांत (१० व १२ वर्षांखालील) विजेतेपद मिळवले.
या स्पर्धेत एकूण १६ जिल्ह्यांतील संघांनी सहभाग नोंदवला होता. १० वर्षांखालील मुलींच्या गटात काव्या चौधरीने १ सुवर्ण, ३ रौप्यपदकांची कमाई केली. सई कबदुळे व शनया पारेख यांनी प्रत्येकी १ रौप्यपदक जिंकले. १२ वर्षांखालील मुलींच्या गटात धनिष्ठा उगलमुळेने १ सुवर्ण, २ कांस्य, पहेल शाहने २ रौप्य, तर मानुषी करवतने १ रौप्यपदक प्राप्त करून मुंबईच्या विजयात मोलाचे योगदान दिले. या संघाचे प्रशिक्षक म्हणून अतुल साठे यांचे खेळाडूंना मोलाचे मार्गदर्शन लाभले.