टीम इंडियाचा माजी कर्णधार अजिंक्य रहाणेच्या (Ajinkya Rahane) घरी पुन्हा एका पाळणा हल्ल्याने आनंदाची (Good News) बातमी समोर येत आहे. अजिंक्य रहाणे पुन्हा एकदा पिता झाला आहे. अजिंक्य रहाणे आणि त्याची पत्नी राधिका यांनी त्यांच्या घरी मुलगा झाल्याची घोषणा केली. राधिकाने एका गोंडस मुलाला जन्म दिला असून अजिंक्य आणि राधिका दुसऱ्यांदा आई-वडील झाले आहेत. अजिंक्य आणि राधिकाने सप्टेंबर 2014 मध्ये लग्न केले. ऑक्टोबर 2019 मध्ये अजिंक्यच्या घरी पहिल्यांदा पाळणा हलला. आई आणि बाळ दोघेही सुखरूप असल्याची माहिती अजिंक्यने दिली. त्याने आपल्या सर्व मित्र-परिवार, कुटुंबीय आणि चाहत्यांचे आभार मानले
अजिंक्य रहाणे सध्या टीम इंडियातून बाहेर आहे. दक्षिण आफ्रिकेविरुद्धच्या कसोटी मालिकेत खराब कामगिरी केल्यानंतर अजिंक्य संघाबाहेर आहे. त्याला आयपीएलमध्ये कोलकाता नाईट रायडर्सने विकत घेतले होते. मात्र त्याला प्रभावी कामगिरी करता आली नाही.
