अखिल भारतीय स्नूकर स्पर्धेत गेहानीची खानवर मात

रंगतदार लढतींमध्ये करन चुग याने जिगर शाहविरुद‍्ध पाच फ्रेममधील शेवटच्या दोन फ्रेम जिंकत ३-२ मात केली
अखिल भारतीय स्नूकर स्पर्धेत गेहानीची खानवर मात

नॅशनल स्पोर्ट्स क्‍लब ऑफ इंडिया (एनएससीआय) आयोजित एनएससीआय अखिल भारतीय स्नूकर ओपन (बॉल्कलाइन) स्पर्धेच्या फेज वनमधील तिसऱ्या फेरीत विशाल गेहानी याने सर्वोत्कृष्ट खेळाचे प्रदर्शन करत चुरशीच्या सामन्यात फैसल खान याच्यावर ३-१ (४४-६७, ५८-५३, ५१-४०, ४९-३४ असा विजय मिळवला.

त्यानंतर झालेल्या अन्य रंगतदार लढतींमध्ये करन चुग याने जिगर शाहविरुद‍्ध पाच फ्रेममधील शेवटच्या दोन फ्रेम जिंकत ३-२ (६१-१५, ३२-५४, ३२-६०, ७२-४०, ५८-२४) अशी मात केली. बाबू गायकवाड यानेही वरुण मोदी याचा त्याच फरकाने म्हणजे ३-२ (४५-५२, ६२-०२, ७०-३८, ४३-६३, ६०-५१) असा पराभव केला.

Related Stories

No stories found.
marathi.freepressjournal.in