अधिक विकेट्स घेऊनही टी-२० वर्ल्डकप संघामधून 'हा' खेळाडू बाहेर

या कालावधीत त्याने १० टी-२० सामने खेळले असून १६ विकेट्स मिळविल्या आहेत.
 अधिक विकेट्स घेऊनही टी-२० वर्ल्डकप संघामधून 'हा' खेळाडू बाहेर

ऑस्ट्रेलियामध्ये येत्या १६ ऑक्टोबरपासून होणाऱ्या टी-२० विश्वचषक स्पर्धेत अनुभवी रवीचंद्रन अश्विनलाही स्थान देण्यात आले असले, तरी अश्विनपेक्षा अधिक विकेट्स घेतलेल्या रवी बिश्नोईला मात्र संघात स्थान मिळू शकले नाही.

फिरकीपटू रवी बिश्नोईने गेल्या टी-२० विश्वचषकापासून ते त्याच्या आतापर्यंतच्या टी-२० आंतरराष्ट्रीय कारकीर्दीत अश्विनपेक्षा जास्त विकेट्स घेतल्या आहेत. या कालावधीत त्याने १० टी-२० सामने खेळले असून १६ विकेट्स मिळविल्या आहेत.

अश्विनने गेल्या टी-२० विश्वचषकापासून ते आतापर्यंत सात टी-२० आंतरराष्ट्रीय सामन्यांमध्ये केवळ ८ विकेट्स घेतल्या आहेत. बिश्नोई याबाबतीत अश्विनच्या पुढे आहे. असे असूनही त्याला डी-२- विश्वचषकासाठीच्या संघात स्थान मिळू शकले नसल्याबाबत आश्चर्य व्यक्त होत आहे.

चहल अव्वल

युझवेंद्र चहलची गेल्या टी-२० विश्वचषकापासून ते आतापर्यंतची कामगिरी पाहिल्यास अव्वल नंबरवर असल्याचे स्पष्ट होत आहे. या लेगस्पिनरने १७ सामने खेळले असून २० विकेट्स घेतल्या आहेत.

जडेजाच्या जागेवर टी-२० विश्वचषक संघात निवडलेला अक्षर पटेल या बाबतीत तिसऱ्या क्रमांकावर आहे. गेल्या विश्वचषकापासून पटेलने १४ टी-२० आंतरराष्ट्रीय सामने खेळले आणि १२ विकेट्स घेण्यात यश मिळविले.

Related Stories

No stories found.
marathi.freepressjournal.in