मुंबई : टी-२० विश्वचषकात दमदार कामगिरी करून लक्ष वेधणाऱ्या हार्दिक पंड्याचे खासगी आयुष्य मागील काही दिवसांपासून सोशल मीडियावर प्रचंड चर्चेत होते. हार्दिकची पत्नी नताशाने मध्यंतरी आपल्या लग्नाचे फोटो डिलीट केल्यापासूनच दोघांच्या घटस्फोटाच्या चर्चांनी जोर धरला होता. अखेर गुरुवारी संध्याकाळी हार्दिकने आपल्या इन्स्टाग्राम अकाउंटवर पोस्ट लिहीत चर्चांवर शिक्कामोर्तब केला आहे.
हार्दिक व नताशाने चार वर्षांनी आपले नाते संपवले आहे. मुलासाठी मात्र पालक म्हणून आपण दोघे हवे ते करू, असेही हार्दिकने त्या पोस्टमध्ये म्हटले.
