![गुजरातच्या गोलंदाजांचा लखनऊवर अंकुश](http://media.assettype.com/freepressjournal-marathi%2F2024-04%2Fe97396d1-08b1-4d60-a8e4-1373cad7d211%2FIPL__2_.png?w=480&auto=format%2Ccompress&fit=max)
लखनऊ : उमेश यादव (२२ धावांत २ बळी) आणि दर्शन नळकांडे (२१ धावांत २ बळी) या वेगवान गोलंदाजांनी केलेल्या चमकदार कामगिरीमुळे गुजराट टायटन्सने आयपीएलमध्ये रविवारी लखनऊ सुपर जायंट्सला २० षटकांत ५ बाद १६३ धावांत रोखले.
घरच्या मैदानावर प्रथम फलंदाजी करताना लखनऊने क्विंटन डीकॉक (६) व देवदत्त पडिक्कल (७) यांना तीन षटकांतच गमावले. मात्र कर्णधार के. एल. राहुल (३१ चेंडूंत ३३) व मार्कस स्टोइनिस (४३ चेंडूंत ५८) यांनी लखनऊला सावरले. स्टोइनिसने ४ चौकार व २ षटकारांसह हंगामातील पहिले अर्धशतक साकारले. या दोघांनी तिसऱ्या विकेटसाठी ७३ धावांची भागीदारी रचली. हे दोघे बाद झाल्यावर निकोलस पूरनने २२ चेंडूंतच ३ षटकारांसह नाबाद ३२ धावा फटकावल्या. त्यामुळे लखनऊने किमान दीडशे धावांचा पल्ला गाठला. गुजरातकडून उमेश, नळकांडेने दोन, रशिद खानने एक बळी मिळवला.
आयपीएल गुणतालिका
संघ - सामने - जय - पराजय - गुण - धावगती
राजस्थान - ४ - ४ - ० - ८ - १.१२०
कोलकाता - ३ - ३ - ० - ६ - २.५१८
चेन्नई - ४ - २ - २ - ४ - ०.५१७
लखनऊ - ३ - २ - १ - ४ - ०.४८३
हैदराबाद - ४ - २ - २ - ४ - ०.४०९
पंजाब - ४ - २ - २ - ४ - -०.२२०
गुजरात - ४ - २ - २ - ४ - -०.५८०
मुंबई - ४ - १ - ३ - २ - -०.७०४
बंगळुरू - ५ - १ - ४ - २ - -०.८४३
दिल्ली - ५ - १ - ४ - २ - -१.३७०
(मुंबई वि. दिल्ली सामन्यापर्यंत)