भारतीय क्रिकेट नियामक मंडळ (BCCI) केएल राहुलला उपचारासाठी जर्मनीला पाठवत आहे. भारतीय संघ इंग्लंडच्या दौऱ्यावर जाणार असून तेथे त्याला एकूण 7 सामने खेळायचे आहेत. केएल राहुल दुखापतीमुळे इंग्लंड दौऱ्यावर जाऊ शकणार नाही. याआधी राहुल दक्षिण आफ्रिकेविरुद्ध सुरू असलेल्या टी-२० मालिकेतूनही बाहेर गेला आहे.
बीसीसीआयने क्रिकबझला सांगितले की, राहुलला उपचारासाठी जर्मनीला पाठवले जाईल. या महिन्याच्या अखेरीस किंवा पुढील महिन्याच्या सुरुवातीला राहुल जर्मनीला रवाना होणार आहे. राहुलचे इंग्लंड दौऱ्यावर न जाणे हा टीम इंडियासाठी मोठा धक्का आहे.
भारतीय संघ इंग्लंडमध्ये ७ सामने खेळणार आहे
इंग्लंड दौऱ्यावर भारतीय संघ एकूण 7 सामने खेळणार आहे. यामध्ये 1 टेस्ट मॅच, 3 T20 आणि 3 ODI मॅचचा समावेश आहे. संघ १ जुलैपासून इंग्लंडमध्ये कसोटी सामना खेळणार आहे.
