वेलिंग्टन : युवा डावखुरा फलंदाज रचिन रवींद्रने (३६६ चेंडूंत २४० धावा) कारकीर्दीतील पहिले द्विशतक झळकावले. त्यामुळे न्यूझीलंडने दक्षिण आफ्रिकेविरुद्धच्या पहिल्या कसोटीत सामन्यात ५११ धावांचा डोंगर उभारला.
त्यानंतर पहिल्या दिवसअखेरीस आफ्रिकेची २८ षटकांत ४ बाद ८० अशी अवस्था असून ते अद्याप ४३१ धावांनी पिछाडीवर आहेत. डेव्हिड बेडिंगहॅम २९, तर किगन पीटरसन २ धावांवर खेळत आहे. कायले जेमिसनने दोन बळी मिळवले.
तत्पूर्वी, रविवारच्या २ बाद २५८ धावांवरून पुढे खेळताना केन विल्यम्सन (११८) शतकानंतर माघारी परतला. मात्र रचिनने २६ चौकार व ३ षटकारांसह द्विशतक साकारले. त्याला डॅरेल मिचेल (३४), ग्लेन फिलिप्स (३९) यांनी उत्तम साथ दिली. कर्णधार तसेच डावखुरा फिरकीपटू नील ब्रँडने सहा गडी बाद केले.