पॅरिस : तिरंदाजीच्या महिला एकेरी फेऱ्यांना मंगळवारी प्रारंभ झाला. यामध्ये राऊंड ऑफ ३२ म्हणजेच पहिल्या फेरीत भारताच्या भजन कौरने दमदार विजय नोंदवला, तर अंकिता भकतला गाशा गुंडाळावा लागला.
भजनने पोलंडच्या वायोलेटा मैसूरला ६-० असे नामोहरम केले. महिलांच्या सांघिक विभागात भारताला उपांत्यपूर्व फेरीत पराभव पत्करावा लागला होता. मात्र यावेळी एकेरीत भजनने चांगली कामगिरी केली. त्यापूर्वी भजनने, राऊंड ऑफ ६४ फेरीत इंडोनेशियाच्या सैफिया नुराला ७-३ असे पराभूत केले होते. अंकिताला मात्र पोलंडच्या मैसूरकडून राऊंड ऑफ ६४मध्ये २-४ असा पराभव पत्करावा लागला. मग भारताच्या भजनने मैसूरला नमवून तिचे आव्हान संपुष्टात आणले. पुरुषांच्या एकेरी फेरीला बुधवारपासून प्रारंभ होईल.
