पॅरिस : ऑस्ट्रेलियावर दमदार विजय मिळवल्यानंतर भारतीय पुरुष हॉकी संघाचा आत्मविश्वास उंचावला असून आता रविवारी होणाऱ्या उपांत्यपूर्व फेरीत भारतीय संघ ग्रेट ब्रिटनशी दोन हात करेल. ब गटातील शेवटच्या साखळी सामन्यात भारताने ऑस्ट्रेलियावर ३-२ अशी सरशी साधली. १९७२च्या म्युनिच ऑलिम्पिक स्पर्धेनंतर भारताचा हा ऑस्ट्रेलियाविरुद्धचा पहिला विजय ठरला. या विजयामुळे भारत गटात दुसऱ्या क्रमांकावर पोहोचला.
भारताने पॅरिस ऑलिम्पिकमध्ये आतापर्यंत शानदार कामगिरी केली आहे. न्यूझीलंडविरुद्ध ३-२ असा विजय मिळवल्यानंतर भारताने बलाढ्य अर्जेंटिनाविरुद्ध १-१ अशी बरोबरी पत्करली होती. त्यानंतर भारताने आयर्लंडविरुद्ध २-० असा विजय मिळवल्यानंतर आयर्लंडकडून १-२ अशा पराभवाला सामोरे जावे लागले. मात्र ऑस्ट्रेलियावर विजय मिळवल्यानंतर आता भारताचे हौसले बुलंद आहेत.
