ढाका: सलामीवीर ब्रँडन किंगच्या नाबाद ८१ धावांच्या दमदार खेळीच्या जोरावर वेस्ट इंडिजने पहिल्या कसोटी सामन्यात बांगलादेशचा आठ विकेट्सनी पराभव केला. शनिवारी येथे बांगलादेशने दिलेले १७० धावांचे लक्ष्य वेस्ट इंडिजने सहज पार केले. या विजयासह दोन सामन्यांच्या मालिकेत वेस्ट इंडिजने १-० अशी आघाडी घेतली.
बांगलादेशचा दुसरा डाव अवघ्या १४२ धावांत आटोपला. त्यामुळे पहिल्या डावातील आघाडी धरून त्यांना वेस्ट इंडिजसमोर केवळ १७० धावांचे लक्ष्य ठेवता आले. वेस्ट इंडिजच्या फिरकी गोलंदाजांनी बांगलादेशच्या दुसऱ्या डावातील नऊ फलंदाज बाद करण्यात महत्त्वाची भूमिका बजावली.
कर्णधार रोस्टन चेसने आपल्या चतुर ऑफस्पिन गोलंदाजीच्या जोरावर ३६ धावांत पाच बळी घेतले. डावखुरा फिरकीपटू जोमेल वॉरिकनने पहिल्या डावातील पाच बळींच्या कामगिरीनंतर दुसऱ्या डावात ६३ धावांत चार बळी मिळवले.
चौथ्या दिवसाचा खेळ सुरू असताना खेळपट्टी अधिकच फिरकीला अनुकूल आणि खराब होत गेली. कमी प्रकाश, पाऊस आणि विजांच्या कडकडाटामुळे खेळात व्यत्ययही आला. मात्र, अशा परिस्थितीत वेस्ट इंडिजच्या सलामीवीर जॉन कॅम्पबेल आणि ब्रँडन किंग यांनी बचावात्मक खेळ करण्याऐवजी आक्रमक पवित्रा घेतला. फिरकी गोलंदाजांविरुद्ध त्यांनी अचूक स्वीपचे फटके मारत धावांची गती कायम ठेवली. या दोघांनी पहिल्या विकेटसाठी ११२ धावांची भागीदारी केली आणि सामन्याचे चित्रच बदलून टाकले.
किंगने ६८ चेंडूंत आपले सहावे अर्धशतक पूर्ण केले. डीप बॅकवर्ड पॉइंटच्या दिशेने लेट कटचा सुरेख शतकी कॅम्पबेलसोबतची भागीदारीही पूर्ण झाली. त्यामुळे बांगलादेशच्या गोलंदाजांची निराशा वाढली. मालिकेतील दुसरा आणि अंतिम कसोटी सामना पुढील आठवड्यात सिल्हेट येथे सुरू होणार आहे. चौकार मारत त्याने अर्धशतक साजरे केले. त्याचवेळी बांगलादेशचा कर्णधार नजमुल हुसेन शांतो म्हणाला, "पहिल्या डावातच आम्ही पिछाडीवर पडलो. दिवसअखेर आमची धावसंख्या २१३ होती. मात्र, त्यानंतर संपूर्ण संघ २७२ धावांत बाद झाला. त्यामुळे आम्ही मोठ्या फरकाने मागे पडलो."