कळवा रुग्णालयात ३० दिवसांत २१ नवजात बालकांचा मृत्यू

मुख्यमंत्र्यांचे खासगी निवासस्थान असलेल्या ठाण्यातील महापालिकेच्या कळवा रुग्णालयात २१ नवजात बालकांचा मृत्यू झाल्याने पुन्हा खळबळ उडाली आहे.
कळवा रुग्णालयात ३० दिवसांत २१ नवजात बालकांचा मृत्यू

ठाणे : मुख्यमंत्र्यांचे खासगी निवासस्थान असलेल्या ठाण्यातील महापालिकेच्या कळवा रुग्णालयात २१ नवजात बालकांचा मृत्यू झाल्याने पुन्हा खळबळ उडाली आहे. त्यामुळे रुग्णालयाच्या कारभाराबाबत परत एकदा प्रश्न चिन्ह उभे राहिले असून या प्रकरणामुळे ठाणे शहर हादरले आहे. कळवा रुग्णालयात जून महिन्यात ५१२ महिला प्रसूतीसाठी आल्या होत्या. त्यापैकी २९४ गर्भवतींचे सिझर करण्यात आले तर ९० बालकांचा जन्म अतिदक्षता विभागात झाला होता. मात्र यापैकी २१ नवजात बाळांचा मृत्यू झाला असल्याची माहिती रुग्णालय प्रशासनाने दिली आहे.

कळव्यातील छत्रपती शिवाजी महाराज रुग्णालयात गेल्यावर्षी एकाच दिवशी १८ जणांचा मृत्यू झाल्याच्या घटनेने महाराष्ट्र हादरला असताना, आता रुग्णालयाच्या अतिदक्षता विभागात जून महिन्यामध्ये २१ नवजात बालकांचा मृत्यू झाल्याची खळबळजनक बाब उघडकीस आली आहे.

ठाणे महापालिकेच्या छत्रपती शिवाजी महाराज रुग्णालयात उपचाराच्या चांगल्या सोयीसुविधा असल्यामुळे जिल्ह्याच्या शहरी, ग्रामीण अणि दुर्गम आदिवासी भागातून रुग्ण येतात. अशातच जून महिन्यात बाळंतपणासाठी देखील गर्भवती महिला मोठ्या संख्येने आल्या होत्या. दरम्यान, या प्रसूती झालेल्या महिलांच्या ९० नवजात बालकांचे वजन १ किलो वजनापेक्षा कमी होते. तसेच मृत्यू झालेल्या २१ बालकांपैकी १९ बालक हे शहराबाहेरील होते. त्यांच्यावर उपचार सुरू असतानाच त्यांचा मृत्यू झाला असल्याची माहिती एका वरिष्ठ डॉक्टरांनी दिली.

logo
marathi.freepressjournal.in