![मीरारोडमध्ये अल्पवयीन मुलीवर अत्याचार; दोन महिन्याची गरोदर राहिल्यावर घटना उघडकीस, आरोपीला अटक](http://media.assettype.com/freepressjournal-marathi%2F2024-01%2Fd8f3131a-7eec-4b42-83eb-35c6a506e2b5%2Frape.jpg?w=480&auto=format%2Ccompress&fit=max)
भाईंंदर : मीरारोडच्या हटकेश भागातील एका इमारतीच्या खाली असणाऱ्या बाथरूममध्ये एका अल्पवयीन मुलीवर दोनवेळा अत्याचार केल्याची आणि त्यातून ती गरोदर राहिल्याप्रकरणी काशीगाव पोलिसांनी गुन्हा दाखल करून आरोपीला अटक केली आहे.
मीरारोड भागात राहणाऱ्या एका अल्पवयीन मुलीला धीरज हरिराम पासवान या तरुणाने तू मला आवडते असे सांगून जबरदस्तीने तिला इमारतीच्या बाथरूममध्ये नेले. तेथेच तिच्यावर अत्याचार केला त्यानंतर पुन्हा दोन दिवसांनी पासवानने तिला बाथरूममध्ये जबरदस्ती नेऊन तिच्यावर पुन्हा अत्याचार केला. त्याचबरोबर याबाबत कोठेही वाच्यता केल्यास जिवे मारण्याची धमकी देखील दिली. अल्पवयीन मुलगी दोन महिन्याची गरोदर राहिल्यानंतर तिच्यावर अत्याचार केल्याचा प्रकार उघडकीस आला. याप्रकरणी काशिगाव पोलिसांनी पासवानविरोधात गुन्हा दाखल करत त्याला अटक केली आहे. वरिष्ठ पोलीस निरीक्षक राहुलकुमार पाटील यांच्या मार्गदर्शनाखाली काशीगाव पोलीस अधिक तपास करत आहेत.