मुंबई : बदलापूरमधील एका प्रतिष्ठित शाळेमध्ये दोन अत्यंत लहान मुलींवर तेथील शाळेतील कर्मचाऱ्यांनी केलेल्या अत्याचाराबाबत डॉ. नीलम गोऱ्हे यांनी गंभीर दखल घेतली असून, त्यांनी तत्काळ पोलीस उपायुक्त सुधाकर पठारे यांच्याशी संपर्क साधला आहे.
वरिष्ठ पोलीस निरीक्षक यांच्यावर चौकशी करून कडक कारवाई करावी, या प्रकरणात विशेष सरकारी वकिलाची नेमणूक करावी, चौकशी अधिकारी म्हणून सक्षम वरिष्ठ महिला पोलीस अधिकारी नियुक्त करण्यात यावा, अशी सूचना विधान परिषदेच्या उपसभापती नीलम गोऱ्हे यांनी केली आहे.
