भिवंडी : पतीसह सासरच्यांनी विवाहितेला हुंड्यात चारचाकी गाडी न दिल्याच्या कारणावरून विवाहितेचा मानसिक, शारीरिक छळ करण्यासह मारहाण करून सासरी नांदवण्यास नकार दिल्याची धक्कादायक घटना समोर आली आहे.
याप्रकरणी पीडित विवाहितेच्या तक्रारीवरून पतीसह चौघांच्या विरोधात शांतीनगर पोलीस ठाण्यात गुन्हा दाखल करण्यात आला आहे. पती जलालउद्दीन गुलाम हुसेन शेख, सासू मेरुनिसा मोहम्मद शेख, सासरे गुलाम हुसेन मोहम्मद शेख, जेठ यासुहिन शेख अशी गुन्हा दाखल झालेल्यांची नावे आहेत. पोलिसांनी दिलेल्या माहितीनुसार, पीडित विवाहितेचा १० नोव्हेंबर २०२१ रोजी जलालउद्दीन याच्याशी विवाह झाला.
चारचाकीसाठी शिवीगाळ
सासरच्या मंडळींनी माहेरहून हुंड्यात कमी पैसे दिले म्हणून आणि चारचाकी गाडी दिली नाही. त्यामुळे पीडितेला टोमणे मारून शिवीगाळ व मारहाण करून मानसिक छळ केला जात होता. त्यामुळे तिने पोलिसांत धाव घेतली.
