भिवंडी : भिवंडीत चिकन शोरमा, पिझ्झा खाल्ल्याने अन्नातून विषबाधा झालेल्या रुग्णांची संख्या शनिवारी सकाळी १०७ वर पोहचली असून शनिवारी दुपारी महापौर नारायण चौधरी व आमदार महेश चौघुले यांनी स्व. इंदिरा गांधी स्मृती उपजिल्हा रुग्णालयात येऊन रुग्णांची विचारपूस करीत वैद्यकीय पथका कडून केल्या जात असलेल्या उपचारांबाबत माहिती घेतली. त्यानंतर अवघ्या काही तासात या अन्न विषबाधा प्रकरणी कारणीभूत ठरलेल्या फेमस शोरमा या हॉटेलवर महापालिकेच्या अतिक्रमण विभागाने बुलडोझर चालवून ते उद्ध्वस्त केले आहे.
अन्न विषबाधेची घटना अत्यंत असून स्वतःच्या फायद्यासाठी नागरिकांच्या जीवाशी दुर्दैवी खेळण्याचा हा प्रकार आहे. सुदैवाने कोणाचा जीव गेला नाही. नागरिकांनी घरातील अन्न खावे असा सल्ला देत हॉटेल चालकाकडे कोणताही परवाना नसल्याची बाब समोर आल्याने त्यावर कारवाई करण्याचे तत्काळ निर्देश दिले आहे.
