होतकरू मित्रमंडळ, श्री विठ्ठल क्रीडा मंडळ यांनी वीर सावरकर मंडळ व शिवसेना वीर सावरकर नगर शाखा यांच्या संयुक्त विद्यमाने आयोजित केलेल्या अनुक्रमे महिला आणि ५५ किलो वजनी गटाचे विजेतेपद मिळविले.
ठाणे वीर सावरकर मार्ग येथील ठाणे महानगरपालिका शाळा क्र.१२०च्या मैदानावर संपन्न झालेल्या महिलांच्या अंतिम सामन्यात होतकरू मित्रमंडळाने संकल्प क्रीडामंडळाचा कडवा प्रतिकार ४६-४४ असा मोडून काढत या गटाचे जेतेपदासह रोख रु. पाच हजार पटकाविले. उपविजेत्या संकल्पला रोख रु. तीन हजारांवर समाधान मानावे लागले. ५५ किलो वजनी गटात मध्यांतरातील २१-२२ अशा एका गुणाची पिछाडी भरून काढत श्री विठ्ठल क्रीडामंडळाने मावळी मंडळाचे आव्हान ५२-४० असे परतवून लावत रोख रु. पाच हजार व जेतेपदाच्या चषकावर आपले नाव कोरले. उपविजेत्या मावळी मंडळाला चषक व रोख रु. तीन हजारवर समाधान मानावे लागले.
