जिल्हाधिकारी जावळे यांनी केली मतदान केंद्राची पाहणी

किशन जावळे यांनी बुधवारी रायगड लोकसभा मतदार संघातील १९२-अलिबाग या विधानसभा मतदार संघातील विविध मतदान केंद्रांना भेटी देवून पाहणी केली. तसेच सुविधांचा आढावा घेतला.
जिल्हाधिकारी जावळे यांनी केली मतदान केंद्राची पाहणी

अलिबाग : रायगड जिल्ह्यात लोकसभा निवडणूकीची पूर्व तयारी जोमाने सुरू आहे. विविध पातळ्यावर प्रशासकीय यंत्रणेमार्फत कामे सुरू आहेत. जिल्ह्यातील सर्व मतदान केंद्रे सुस्थितीत आणि सर्व सुविधा युक्त असावेत यासाठी भारत निवडणूक आयोगाच्या मार्गदर्शक सूचनांप्रमाणे कार्यवाही सुरू आहे.

जिल्हाधिकारी किशन जावळे यांनी बुधवारी रायगड लोकसभा मतदार संघातील १९२-अलिबाग या विधानसभा मतदार संघातील विविध मतदान केंद्रांना भेटी देवून पाहणी केली. तसेच सुविधांचा आढावा घेतला.

आवश्यकतेनुसार तात्काळ दुरुस्ती डागडुजी करण्याच्या सूचनाही त्यांनी यावेळी दिल्या. यावेळी सहाय्यक निवडणूक निर्णय अधिकारी मुकेश चव्हाण, तहसीलदार विक्रम पाटील, नगर पालिकेच्या मुख्याधिकारी अंगाई सांळुखे आदी उपस्थित होते.

जावळे म्हणाले, भारत निवडणूक आयोगाने प्रत्येक मतदान केंद्रावर मतदारांना पिण्याचे पाणी, स्वच्छता गृहे, सावली, दिव्यांग आणि ज्येष्ठ मतदारांसाठी रॅम्प आदि सुविधा पुरविण्याबाबत निर्देश दिले आहेत. त्याप्रमाणे प्रत्येक मतदान केंद्राचे सूक्ष्म नियोजन करुन अंमलबजावणी करावी. पुरेसा सुर्यप्रकाश, रस्ते, विद्युतजोडणी, प्रकाश व्यवस्था यादृष्टीने नियोजन करावे. आयोगाच्या सर्व सूचनांचे काटेकोरपणे पालन करावे, असेही त्यांनी यावेळी सांगितले.

Related Stories

No stories found.
logo
marathi.freepressjournal.in