उल्हासनगर : भाजप आमदार गणपत गायकवाड यांच्या नावाने न्यायालयाच्या बाहेर घोषणा देत मोर्चा काढणे भाजप कार्यकर्त्यांच्या चांगलेच अंगलट आले आहे. उल्हासनगरच्या मध्यवर्ती पोलीस ठाण्यात याप्रकरणी गुन्हा दाखल करण्यात आला आहे.
शुक्रवारी रात्री भाजप आमदार गणपत गायकवाड यांनी कल्याण शिंदे गटाचे शहरप्रमुख महेश गायकवाड आणि राहुल पाटील यांच्यावर गोळीबार केला होता. त्यानंतर त्यांना हिललाइन पोलिसांनी अटक केली होती. आरोपींना शनिवारी उल्हासनगरच्या चोपडा कोर्टात हजर करण्यात येणार होते. त्यावेळी भाजप कार्यकर्ते यांनी चोपडा कोर्टाच्या बाहेर मोर्चा काढून जोरजोरात गणपत गायकवाड यांच्या नावाने घोषणाबाजी केली.
त्यामुळे भाजप कार्यकर्ते गुड्डू खान, मोना शेठ, निलेश बोबडे, शिला राज, सूरज खान, अंजली खामकर, विद्या त्रिंबके, भावेश टोल, सरिता जाधव, लावण्या दळवी, यशोदा माळी आणि इतर २५ ते ३० अनोळखी लोकांविरोधात गुन्हा दाखल करण्यात आला आहे.
