वसई : विरार पश्चिम येथील विवा कॉलेजच्या सातव्या मजल्यावरून सुमितकुमार सुनीलकुमार सरोज (१८) या विद्यार्थ्याने आत्महत्या केली. ही घटना शुक्रवारी दुपारी तीन वाजण्याच्या सुमारास घडली. हा विद्यार्थी सातव्या मजल्यावर आपल्या मित्रांसोबत असताना खाली पडला. यावेळी सर्व शिक्षक आणि विद्यार्थी हे वर्गात बसले होते. आवाज आल्यानंतर शिक्षक आणि विद्यार्थ्यांनी बाहेर येऊन पाहिल्यावर सदर विद्यार्थी खाली पडला होता व त्याच्या डोक्याला मार लागला होता.
सुमित हा विवा कॉलेजमध्ये बारावी सायन्समध्ये शिकत होता. सुमित विरार पूर्व मनवेलपाडा येथील राहणार होता. सातव्या मजल्यावरून पडताच त्याला त्वरितच विरार पश्चिम येथील संजीवनी रुग्णालयात दाखल करण्यात आले, परंतु तिथेच डॉक्टरांनी त्याला मृत घोषित केले.
