भाईंदरमध्ये तरुणाला ऑनलाईन संकेतस्थळावर गंडवले

ऑनलाईन पैसे देतो सांगून त्याने शेट्टीला आधी क्यूआर कोड पाठवला व त्याद्वारे १ रुपया पाठवण्यास सांगितले.
 भाईंदरमध्ये तरुणाला ऑनलाईन संकेतस्थळावर गंडवले

एका ऑनलाईन विक्री संकेतस्थळावर सायकल विक्रीसाठी जाहिरात देणाऱ्या भाईंदरमधील तरुणाला त्याच्या सायकलचे ४ हजार रुपये मिळाले नाहीच उलट ९६ हजार रुपये गमवावे लागले.

भाईंदर पूर्वेच्या नवघर गावातील डी एन इमारतीत राहणाऱ्या २४ वर्षीय चेतन शेट्टी ह्याने त्याची सायकल ४ हजार ५०० रुपयात विक्रीसाठी एका संकेतस्थळावर जाहिरात टाकली होती. त्यानुसार त्याला स्वतःला अंधेरी येथे रहात असल्याचे व मीरारोड येथे दुकान असल्याचे सांगणाऱ्या व्यक्तीचा ३ जुलै रोजी कॉल आला. ४ हजार रुपयात खरेदी ची त्या व्यक्तीने तयारी दर्शवली व सौदा ठरला.

ऑनलाईन पैसे देतो सांगून त्याने शेट्टीला आधी क्यूआर कोड पाठवला व त्याद्वारे १ रुपया पाठवण्यास सांगितले. शेट्टी याने १ रुपया पाठवला असता त्याच्या खात्यात २ रुपये जमा झाले. त्या व्यक्तीने मग शेट्टी याला पुन्हा क्यूआर कोड पाठवत ४ हजार रुपये पाठव व तू ४ हजार पाठवले की तुला डबल रक्कम मिळेल असे सांगितले. शेट्टी ने त्याप्रमाणे ४ हजार पाठवले पण त्याला परत पैसे मिळाले नाहीत. त्यानंतर शेट्टीने व १२ हजार व नंतर आणखी ३२ हजार रुपये पाठवले.

Related Stories

No stories found.
marathi.freepressjournal.in