उल्हासनगरमध्ये एकाच दिवशी दोन शेजारील घरांमध्ये चोरी

उल्हासनगर-५ , येथील ३९ सेक्शन , गणेश नगर या परिसरात उल्हासाबाई मारुती भांगरे ( ८० ) ही वयोवृद्ध महिला राहते
उल्हासनगरमध्ये एकाच दिवशी दोन शेजारील घरांमध्ये चोरी

गणेश नगर परिसरात रात्रीच्या सुमारास दोन शेजारील घरांमध्ये अज्ञात इसमाने चोरी करून रोख रक्कम व सोन्याचे दागिने लंपास केले आहेत. या प्रकरणी हिल - लाईन पोलीस ठाण्यात अज्ञात इसमाच्या विरुद्ध गुन्हा दाखल करण्यात आला आहे.

उल्हासनगर-५ , येथील ३९ सेक्शन , गणेश नगर या परिसरात उल्हासाबाई मारुती भांगरे ( ८० ) ही वयोवृद्ध महिला राहते, काल दुपारी तिच्या नातेवाईकाकडे गेली होती, दरम्यान रात्रीच्या वेळेस अज्ञात इसमाने घराचे कुलूप तोडून आत प्रवेश करून घरामध्ये ठेवलेले २ तोळे सोने व २५ हजार रुपये रोख रक्कम चोरी केली. याच परिसरात पापड विक्रीचा व्यवसाय करणारे व उल्हासाबाई यांच्या शेजारी राहणारे अशोक लक्ष्मण साळवे हे देखील एका कामानिमित्त त्यांच्या कुटुंबीयांसह बाहेर गेले होते. दरम्यान याच सुमारास अज्ञात इसमाने घराचे कुलूप तोडून आत प्रवेश करून २ तोळे सोने आणि १२ हजार रुपये रोख रक्कम चोरी केली. दोन्ही घरात एकूण ७५ हजार रुपयांचा ऐवज चोरी झाल्यातचे पोलिसांनी नमूद केले आहे.

Related Stories

No stories found.
marathi.freepressjournal.in