गॅस सिलिंडरच्या दरवाढीविरोधात युवक काँग्रेसची कल्याणमध्ये बॅनरबाजी

युवक काँग्रेसचे जिल्हाध्यक्ष मनीष देसले यांच्या संकल्पनेनुसार कल्याणमध्ये विविध ठिकाणी बॅनर लावण्यात आले आहेत
गॅस सिलिंडरच्या दरवाढीविरोधात युवक काँग्रेसची कल्याणमध्ये बॅनरबाजी

महागाई दिवसेंदिवस वाढत असून नुकतेच घरगुती गॅस सिलिंडरच्या दरात ५० रुपयांनी वाढ झाली आहे. याचा निषेध म्हणून कल्याणमध्ये कल्याण डोंबिवली युवक काँग्रेसने भाजपच्या नेत्या स्मृती इराणी यांच्या विरोधात बॅनरबाजी करत त्यांची खिल्ली उडवली आहे.

युवक काँग्रेसचे जिल्हाध्यक्ष मनीष देसले यांच्या संकल्पनेनुसार कल्याणमध्ये विविध ठिकाणी बॅनर लावण्यात आले आहेत. यामध्ये स्मृती इराणी यांचा २०१४ साली गॅस सिलिंडर ४१० रुपये असताना आंदोलन करतांना, आक्रोश करतांनाचा फोटो आणि आता गॅस सिलिंडर १०५३ रुपये झाल्यावर हसतानाचा फोटो लावण्यात आला आहे. मोदी सरकार सत्तेत आल्यापासून पेट्रोल, डिझेल, गॅस सिलिंडरच्या किंमती वाढत असल्याने दिवसेंदिवस महागाई वाढत आहे. यामुळे सामान्य जनता होरपळून निघाली आहे. २०१४ साली भाजपा नेत्या स्मृती इराणी या गॅस सिलिंडर दरवाढीविरोधात आंदोलन करायच्या मात्र आता सिलिंडरच्या दरांनी हजारी ओलांडली असताना आता त्या काहीच बोलत नाहीत असा सवाल मनीष देसले यांनी उपस्थित केला आहे.

Related Stories

No stories found.
marathi.freepressjournal.in