ओम राऊत दिग्दर्शित 'आदिपुरुष' हा चित्रपट येत्या १६ जूनला प्रदर्शित होत आहे. प्रभास आणि कृती सनोन यांचा हा चित्रपट प्रभू रामचंद्र यांच्या पराक्रमाची कहाणी मोठ्या पडद्यावर थ्रीडी रुपात मांडणार आहे.

या चित्रपटातील 'जय श्री राम' हे गाणं सध्या लोकप्रिय झालं आहे. याच गाण्याचं संपूर्ण व्हिडिओ व्हर्जन आज पत्रकारांना दाखवण्यात आलं. यावेळी चित्रपटाचे संगीतकार अजय-अतुल आणि अभिनेता देवदत्त नागे, दिग्दर्शक ओम राऊत हजर होते.

हे गाणं जगभरात गाजतंय आणि जगातून वेगवेगळ्या ठिकाणाहून रामभक्तांचे मेसेज येत आहेत, ते पाहून मी अक्षरशः भारावून गेलोआहे. या भावना मी कोणत्या शब्दांत मांडू हे मला कळत नाहीए ", असं म्हणत ओम राऊत भावूक झाला. 

"गाणी खूप येतात पण असं गाणं मिळायला भाग्य लागतं, हे गाणं आम्ही केलं नसून प्रभू श्रीरामचंद्रांनीच जणू हे गाणं आमच्याकडूनकरवून घेतलंय, कारण अशा प्रकारची भक्तीरसात ओथंबलेली आणि अंगावर शहारा आणणारी गाणी ही रोज होत नसतात, ती क्वचितच होतात " असं म्हणाले संगीतकार अतुल गोगावले. 

या गाण्याचा शानदार लाईव्ह परफॅार्मन्स यावेळी ढोलताशांसह सादर करण्यात आला. जय श्री राम या जयघोषात अवघं थिएटर निनादून गेलं.