न्यूयॉर्क : अमेरिकेचे राष्ट्राध्यक्ष डोनाल्ड ट्रम्प यांनी कॅनडातून आयात होणाऱ्या अनेक उत्पादनांवर ५० टक्के नवीन शुल्क (टॅरिफ) लावण्याचे आदेश दिले आहेत.
ट्रम्प यांनी आरोप केला की, कॅनडा अमेरिकन दारू, ऑटोमोबाईल आणि दुग्धजन्य पदार्थांशी भेदभावपूर्ण व्यवहार करत आहे. तथापि, नवीन शुल्क ३० दिवसांनंतर लागू होईल.
सर्वात महत्त्वाची गोष्ट म्हणजे,अमेरिका-मेक्सिको-कॅनडा मुक्त व्यापार करारांतर्गत येणारी अनेक उत्पादने देखील आता या नवीन शुल्काच्या (टॅरिफच्या) कक्षेत येतील.
ट्रम्प यांनी या निर्णयासाठी १९३० च्या टॅरिफ कायद्याच्या कलम-३३८ चा वापर केला आहे. तज्ज्ञांनुसार, एखाद्या अमेरिकन राष्ट्राध्यक्षाने पहिल्यांदाच या तरतुदीनुसार टॅरिफ लावण्याचा आदेश दिला आहे.