आंतरराष्ट्रीय

पाणबुडीवरून आंतरखंडिय क्षेपणास्त्राची चाचणी रशियाच्या शस्त्रागारात आणखी एक भर

चाचणी केलेल्या क्षेपणास्त्राची अण्वस्त्रासह तब्बल आठ हजार किमी अंतरापर्यंत मारा करण्याची क्षमता आहे.

नवशक्ती Web Desk

मॉस्को : आपली लष्करी ताकद जगाला दाखवण्याच्या प्रयत्नात रशियाने आणखी एक यशस्वी प्रयोग करताना बुलावा क्षेपणास्त्र गटातील नव्या क्षेपणास्त्राची चाचणी नुकतीच केली. रशियाने ही चाचणी आपल्या नव्या कोऱ्या अणुऊर्जेवर चालणाऱ्या इंपरेटर अलेक्झांडर-३ पाणबुडीवरून केली आहे. चाचणी केलेल्या क्षेपणास्त्राची अण्वस्त्रासह तब्बल आठ हजार किमी अंतरापर्यंत मारा करण्याची क्षमता आहे.

रशियाने नुकतीच अण्वस्त्र बंदी करारातून माघार घेतल्यामुळे रशियाकडून अणुहल्ला होण्याची भीती वाढली असतानाच रशियाने या घातक अण्वस्त्र सज्ज क्षेपणास्त्राची पाणबुडीवरून चाचणी केली आहे. रशियाने ही चाचणी श्वेत समुद्रातील एका अज्ञात स्थळावरून केली असून क्षेपणास्त्राने रशियाच्या अतिपूर्वेकडील कमचात्का द्वीपखंडाजवळील लक्ष्य अचूकपणे भेदले आहे. रशियाचे राष्ट्राध्यक्ष व्लॅदिमीर पुतीन रशियाला धोका निर्माण होत असल्यामुळे आपला अण्वस्त्र शक्तीचा दरारा सातत्याने करीत आहेत. इंपरेटर अलेक्झांडर-३ पाणबुडी १६ बुलावा क्षेपणास्त्रे आणि अत्याधुनिक पाणतीर (टॉर्पेडो) सज्ज करण्यात आली आहे.

रशियाच्या नौदलाची अण्वस्त्र सज्जता

रशियाकडे आजमितीस बोरेर्इ गटातील तीन अण्वस्त्रसज्ज पाणबुड्या आहेत. त्यापैकी एकावर अण्वस्त्रांची चाचणी सुरू असून आणखी तीन नव्या पाणबुड्यांचे बांधकाम सुरू आहे. तसेच बुलावा क्षेपणास्त्र सहा अणुबॉम्ब घेऊन आठ हजार किमी अंतरापर्यंत मारा करू शकते. यामुळे रशियाचा नौदल आरमारात दबदबा निर्माण झाला आहे.

भारतात अश्लील अन् हिंसक कंटेंटला लगाम; मेटाकडून Instagram च्या रिकमेंडेशन सिस्टीममध्ये बदल

मुंबईकरांनो, टॅक्सीचालकांची मनमानी आता थांबणार; पश्चिम रेल्वेच्या 'या' स्थानकांवर सुरू होणार प्रीपेड टॅक्सी सेवा

मोठा अनर्थ टळला! Indigo विमान उड्डाणाच्या तयारीत असतानाच पायलटने धोका ओळखला; इमर्जन्सी ब्रेक दाबला अन् २२९ प्रवासी वाचले

आंध्र प्रदेशात ONGC च्या विहिरीतून मोठी गॅसगळती; १ किमी परिसरातील सर्व नागरिकांना सुरक्षितस्थळी हलवलं, Video

Pune : भररस्त्यात दुचाकीस्वारावर कोयत्याने हल्ला; पिंपरी-चिंचवडमधील धक्कादायक घटना CCTV मध्ये कैद