फेब्रुवारी महिन्याची सुरुवात होताच अनेकांना 'व्हॅलेंटाईन डे' चे वेध लागतात. उद्यापासून, म्हणजेच ७ फेब्रुवारीपासून व्हॅलेंटाईन वीक सुरू होत असून अनेक 'लव्ह बर्ड्स' यासाठी उत्सुक आहेत. प्रेमाच्या या आठवड्याची सुरुवात ‘रोज डे’ ने होत असल्याने या दिवसाला खास महत्त्व आहे.
प्रेम व्यक्त करताना अनेकदा शब्द अपुरे पडतात. अशावेळी एक गुलाब आपल्या भावना समोरच्या व्यक्तीपर्यंत सहज पोहचवतो. नव्याने प्रेमात पडलेले असाल, अनेक वर्षांचे नाते असेल किंवा एखाद्या खास व्यक्तीला आपुलकी दाखवायची असेल, तर गुलाब देणे हा प्रेम व्यक्त करण्याचा सोपा आणि सुंदर मार्ग मानला जातो.